ဓာတ်ပုံစုစည်းချက် - ချားလ်စ်ဘုရင်နဲ့ မိဖုရား ကမီလာတို့ရဲ့အမေရိကန်ခရီးအစ

တတိယမြောက် ချားလ်စ် ဘုရင်နဲ့ ကြင်ယာတော် မိဖုရား ကမီလာတို့ရဲ့ အမေရိကန်ပြည်ထောင်စုကို ၄ ရက်ကြာ နိုင်ငံတော်အဆင့်ခရီးစဉ် စတင်ပြီဖြစ်ပါတယ်။ ဒါဟာ နတ်ရွာစံသွားပြီဖြစ်တဲ့ ဘုရင်မကြီး ဒုတိယမြောက် အဲလိဇဘတ်ရဲ့ ၂၀၀၇ ခုနှစ် နိုင်ငံတော်ခရီးစဉ်ပြီးကတည်းကဆိုရင် ပထမဆုံးခရီးလည်း ဖြစ်လာပါတယ်။

အမေရိကန်က ဗြိတိန်လက်အောက်ကနေ လွတ်လပ်ရေးယူတဲ့ နှစ် ၂၅၀ ပြည့်ခါနီးမှာ ထွက်ပေါ်လာတဲ့အခုခရီးစဉ်ဟာ နှစ်နိုင်ငံဆက်ဆံရေးခိုင်ကြည်မှု ပြယုဂ်ဖြစ်ဖို့လည်း ရည်သန်ပါတယ်။

ချားစ်ဘုရင်နဲ့ ကြင်ယာတော် မိဖုရားတို့ကို ကော်ဇောနီခင်း ခရီးဦးကြိုပြုပါတယ်။

အမေရိကန်ပြည်ထောင်စုမှာ အခြေစိုက်တဲ့ ဗြိတိန်အရပ်ဘက် စစ်ဘက်အမှုထမ်း အရာထမ်းတွေရဲ့ကလေးငယ်တွေက ပန်းတွေနဲ့ ခရီးဦးကြိုပြုပါတယ်။

ဂုဏ်ပြုတပ်ဖွဲ့ရဲ့အလေးပြုတာကို ခံယူဖို့ လျှောက်လှမ်းချိန်မှာပဲ စစ်တီးဝိုင်းက အမေရိကန်နဲ့ ဗြိတိန် နှစ်နိုင်ငံရဲ့ နိုင်ငံတော်သီချင်းတွေနဲ့ တီးမှုတ် အလေးပြုပါတယ်။

ဘုရင်နဲ့ ကြင်ယာတော် ဇနီးမောင်နှံဟာ မွန်းလွဲပိုင်း လက်ဖက်ရည်နဲ့ ဧည့်ခံမယ့် အမေရိကန်သမ္မတအိမ်တော် အိမ်ဖြူတော်ကို ခရီးဆက်ပါတယ်။ သမ္မတ ဒေါ်နယ်ထရမ့်နဲ့ သမ္မတကတော် မယ်လာနီယာထရမ့်တို့က တွေ့ဆုံကြိုဆိုပါတယ်။

သမ္မတထရမ့်တို့ ဇနီးမောင်နှံက တော်ဝင် ဇနီးမောင်နှံကို အိမ်ဖြူတော် ပန်းခြံထဲမှာရှိတဲ့ အိမ်ဖြူတော်ပုံတူ ပျားအိမ်ကို ပြသခဲ့ပါတယ်။ ပျားမွေးမြူရေး ကာလရှည်ကြာအစီအစဉ်အရ ပြသခဲ့တာဖြစ်ပါတယ်။

ကြင်ယာတော် မိဖုရား ကမီလာဟာ ဗြိတိန်သံရုံးဥယျာဉ်ပါတီမှာ ဗြိတိန်စစ်တပ်အရာရှိလောင်းတွေကို တွေ့ဆုံခဲ့သလို အိမ်တွင်းအကြမ်းဖက်ခံရမှုကို ဆန့်ကျင်တိုက်ဖျက်ရေးလှုပ်ရှားတဲ့အဖွဲ့အစည်းတွေက အမျိုးသမီးတွေနဲ့လည်းတွေ့ဆုံခဲ့ပါတယ်။

ဘုရင်ကြီးဟာ အခုတော့ အမေရိကန်မှာ အခြေချနေတဲ့ ဗြိတိန်ဒိုင်ဗင်ကစားသမားဟောင်း တွန် ဒေလီအပြင် အမေရိကန်အောက်လွှတ်တော်ဥက္ကဋ္ဌဟောင်း နန်စီ ပလိုစီအပါအဝင် အခြားဧည့်သည်တော်တွေနဲ့လည်း တွေ့ဆုံခဲ့ပါတယ်။

ဗြိတိန်အစိုးရကိုယ်စား သွားရောက်တဲ့အခုခရီးစဉ်ဟာ အမေရိကန်က ဗြိတိန်ကနေ လွတ်လပ်ရေးယူတဲ့ နှစ် ၂၅၀ ပြည့်မှာ ထွက်ပေါ်လာတာဖြစ်လို့ နှစ်နိုင်ငံဆက်ဆံရေးကို ခိုင်မာစေဖို့ အားထုတ်မှုလည်းဖြစ်ပါတယ်။