Democrats emeriela Republican ma kpokọrọ oche ọchịchị n'ụlọomeiwu mba America

Ndị mmadụ na-enwe aṅụrị maka mmeri ndị Democrats nwetere na ntuliaka ụlọomeiwu mba ahụ

Ebe foto si, AFP via Getty Images

Mgbe e biputara ya
Oge e ji agụ akụkọ nkeji 2

Ndị otu ndọrọndọrọ ọchịchị Democrats ekpokorola ọtụtụ oche ọchịchị n'ụlọomeiwu mba America karịa ndị Republican bụ ndị otu Onyeisiala Donald Trump.

Nke a bụ akụkọ ihe na-emetụbeghi na mbụ nye pati Republican, ebe ọtụtụ ndị Democrats arọtụbeghi ya na nrọ na nso nso a.

Onyeisiala Trump ewerela ọnụ ya kwupụta na ụlọntaakụkọ Fox News na "ndị Democrats mere ọfụma" – ma kwuo na ọgụ ha na Ịran na mbuli elu ego mmanụ ụgbọala so n'ihe mere ha jiri daa.

Skip content and continue reading

End of content

N'ụlọomeiwu Sineti, ndị Democrats meriri n'ụfọdụ ebe ndị Republican gbara mgbọrọgwụ nke gụnyere Texas, Ohio na Kansas – bụ ebe a họpụtabeghi onye Democrats kamgbe ihe ruru afọ 100 gara aga.

Dịka ha weere ọkwa kachasị n'ụlọomeiwu mba America, ndị Democrats nwereike ịkpagbu atụmatụ Onyeisiala Trump n'ime afọ abụọ fọọrọ ya maọbụ gbaa mbọ ịchutu ya nke ugboro atọ.

Maapụ gosiri etu ndị Democrats na Republican si nwete ọche ọchịchị n'ụlọomeiwu Sineti mba America
Maapụ gosiri etu ndị Democrats na Republican si nwete ọche ọchịchị n'ụlọnnọchiteanya mba America