BBC News, اردو - صفحۂ اول
اہم خبریں
میجر جنرل فیصل نصیر کی بطور نیکٹا سربراہ تعیناتی اہم کیوں ہے؟
میجر جنرل فیصل نصیر پہلے ایسے فوجی افسر بن گئے ہیں جنھیں سویلین ادارے نیکٹا کا سربراہ تعینات کیا گیا ہے۔ اس ادارے کے قیام کے بعد سے اس کی سربراہی پولیس سروس کے افسران کے پاس رہی ہے۔ ان میں وہ افسران بھی شامل تھے جنھوں نے خفیہ ایجنسی انٹیلیجنس بیورو (آئی بی) کی بھی باگ ڈور سنبھالے رکھی۔
’پنجاب کو پڑوسی صوبوں سے نہیں، آپ کی سوچ سے خطرہ ہے‘: مریم نواز کو متنازع بیان پر تنقید کا سامنا
پاکستان میں صوبہ پنجاب کی وزیر اعلیٰ مریم نواز کو اپنے اُس متنازع بیان پر شدید تنقید کا سامنا کرنا پڑ رہا ہے جس میں انھوں نے دعویٰ کیا ہے کہ صوبہ پنجاب کو پڑوسی ممالک کی نسبت پڑوسی صوبوں سے خطرے کا زیادہ سامنا ہے۔
لائیو, پاسدارانِ انقلاب کے تیل بردار جہازوں پر امریکی حملے کے بعد ایران کا آبنائے ہرمز میں آئل ٹینکرز اور امریکی جہازوں کو نشانہ بنانے کا دعویٰ
ایرانی خبر رساں ادارے تسنیم نیوز ایجنسی کے مطابق پاسدارانِ انقلاب کی بحریہ نے آبنائے ہرمز میں ’غیر مجاز راستوں‘ سے گزرنے والے تین آئل ٹینکروں اور امریکہ کے تین جہازوں کو نشانہ بنانے کا دعویٰ کیا ہے۔ اس سے قبل امریکی فوج کی مرکزی کمان نے دعویٰ کیا تھا اس کی فورسز نے پاسدارانِ انقلاب کے تین تیل بردار جہازوں کو تباہ کر دیا ہے۔
کیا افغانستان میں ہزارہ اور شیعہ حمایت رکھنے والا طالبان مخالف مسلح گروہ سر اٹھا رہا ہے؟
افغانستان ریپبلکن فرنٹ (اے آر ایف) 2021 میں طالبان کی واپسی کے بعد ابھرنے والا پہلا نمایاں مخالف مسلح گروہ بن کر سامنے آ رہا ہے، جس کی بنیاد زیادہ تر ہزارہ برادری پر مشتمل ہو سکتی ہے۔ گروہ نے اب تک طالبان کے خلاف 22 حملوں کی ذمہ داری قبول کی ہے، جن میں سے زیادہ تر وسطی افغانستان اور کابل کے ہزارہ اکثریتی علاقوں میں ہوئے۔
’نوکری پر رہوں یا نہ رہوں اب پیچھے نہیں ہٹوں گا‘: نئے صوبوں سے متعلق محسن نقوی کا تازہ بیان، ممدانی اور صادق کا ذکر
محسن نقوی نے نئے صوبوں سے متعلق اپنے گذشتہ بیان کا حوالہ دیتے ہوئے کہا کہ ’کسی نے اسے موجودہ حکومت سے جوڑا تو کسی نے ایک سیاسی جماعت سے جوڑ، میرا اشارہ نہ تو کسی سیاسی جماعت کی طرف تھا اور نہ کسی اور طرف تھا۔‘
’سامان باندھو اور نکل جاؤ‘: کینیا کے صدر نے انڈین کمپنی ٹاٹا کیمیکلز کو ملک چھوڑنے کا حکم کیوں دیا؟
کینیا میں موجود ٹاٹا کمپنی کا کہنا ہے کہ مگاڈی کے اطراف میں اس کے سماجی منصوبوں سے لگ بھگ 30 ہزار افراد مستفید ہوتے ہیں۔ ان منصوبوں میں پانی، صحت، تعلیم، بنیادی ڈھانچے اور دیگر سہولیات کی فراہمی شامل ہے تاہم صدر ولیم روٹو نے ٹاٹا کمپنی پر ملک کے وسائل بیرون ملک لے جانے کا الزام عائد کیا ہے۔
بیٹی کی تعلیم کے لیے ننگے پاؤں دوڑ کر ’میراتھن‘ جیتنے والی رما بائی
رمابائی نے کبھی ریس لگانے کی باقاعدہ تربیت حاصل نہیں کی تھی۔ ان کے پاس نہ کھیلوں کے جوتے تھے اور نہ ہی ٹریک سوٹ۔ ان کا لباس صرف ایک ساڑھی تھا اور پاؤں میں عام سینڈل تھیں لیکن ان کے اندر ممتا نے ان کو تین کلو میٹر کی ریس جیت جانے کی لگن اور ہمت دی۔
وائٹل سائنز: وہ بینڈ جو ختم ہونے کے 26 سال بعد بھی لوگوں کے دلوں میں زندہ ہے
اسلام آباد کے لوک ورثہ میں حال ہی میں ہونے والے ایک کنسرٹ میں گلوکار و موسیقار رضوان الحق کو ایک ایسی چیز نے حیران کر دیا جس کی شاید انھیں خود بھی توقع نہیں تھی، ہال میں موجود تقریباً ہر شخص کو وائٹل سائنز کے گانوں کے بول لفظ بہ لفظ یاد تھے۔
ایرانی ’فیلڈ مارشل‘ کی طاقت کے ایوان میں واپسی: محسن رضائی فیصلہ سازی کا مرکز کیسے بنے؟
12 روزہ اور 40 روزہ جنگوں میں متعدد سینیئر کمانڈروں کی ہلاکت کے بعد رضائی دوبارہ اقتدار کے مرکز میں آ گئے ہیں۔ انہیں پہلے مجتبیٰ خامنہ ای کا نمائندہ مقرر کیا گیا اور بعد میں سپریم نیشنل سکیورٹی کونسل کا سیکرٹری بنایا گیا۔ یہ ان کے لیے خصوصی اعتماد اور سکیورٹی و فوجی فیصلہ سازی میں رضائی کے کردار کی بحالی کی علامت کے طور پر دیکھا جا رہا ہے۔
فیچر اور تجزیے
بی بی سی اردو اب واٹس ایپ پر
بی بی سی اردو کی خبروں اور فیچرز کو اپنے فون پر حاصل کریں اور سب سے پہلے جانیں پاکستان اور دنیا بھر سے ان کہانیوں کے بارے میں جو آپ کے لیے معنی رکھتی ہیں
خصوصی رپورٹس
جہاں نما
دیکھیے بی بی سی اردو کی ویب سائٹ پر پیر سے جمعہ رات آٹھ بجے
کیا آپ اپنا انٹرنیٹ ڈیٹا بچانا چاہتے ہیں؟
کم ڈیٹا استعمال کرنے کے لیے ہماری نئی ویب سائٹ استعمال کریں
