ትራምፕ ምቍራጽ ተዅሲ ኢራንን እስራኤልን ግብራዊ ምዃኑ ኣፍሊጡ

ቀጥታዊ ሸፈነ

1. ቅድሚ 46 ደቓይቕኤርትራ፡ ጀነራል ስብሓት ኤፍረም እንታይ ኢሉ?

2. 17 ጉንቦት 2026ብቴክኒካዊ መዳይ ኣብ ኲናት ዝርከባ ጐረባብቲ፡ ኣየኖት ሃገራት ዓረብ'የን ንእስራኤል ኣፍልጦ ዝህባ?

3. 17 ጉንቦት 2026ኣኽል-ታርፍ ዝፈረየ ሕይወት ኣባ ኣልበሪኮስ (ጴጥሮስ)

4. 17 ጉንቦት 2026ታይዋን፡ ድሕሪ መጠንቀቕታ ትራምፕ ናጻ ሃገር'የ ኢላ

5. 17 ጉንቦት 2026ኤርትራን ግብጺን ዝተፈላለየ ስምምዓት ፈሪመን

6. 16 ጉንቦት 2026ጕዕዞ በይጂንግ ትራምፕ፡ ኣብ ምንቅስቓስ ‘ማጋ’ ስክፍታታት ይፈጥር

   ዶናልድ ትራምፕ ኣብ 2016 ንመጀመርታ ግዜ ኣብ ዝገበሮ ናይ መረጻ ቅስቀሳ፡ ቻይና ቀንዲ ቍጠባዊ ተጻራሪት ኣመሪካ ምዃና ብንጹር ገሊጹ ነይሩ።

   እዚ ጸረ-ቻይና ዘረባታትን ስትራተጅያዊ ጸቕጥታትን ንዓሰርተ ዓመታት ዝቐጸለ ኰይኑ፡ ኣብ ካልኣይ እብረ ስልጣኑ’ውን ምስቶም ጸረ-ቻይና መርገጺ ዘለዎም ሰበስልጣን ምኒስትሪ ወጻኢ ጉዳያትን ሓለፍትን ብምዃን፡ ኣብ ልዕሊ ካብ ቻይና ዝኣትዉ ኣቑሑ ናይ ታሪፍ ወሰኽ ብምግባር ቍጠባዊ ውግእ ኣዊጁ እዩ።

   ይዅን’ምበር፡ትራምፕ ኣብዚ ሰሙን እዚ ናብ ቤጂንግ ኣብ ዝገበሮ ጕዕዞ፡ ምስ ፕረዚደንት ቻይና ሺ ጂንፒንግ ብምቅርራብ ተራኺቡ፡ ርክብ ክልተአን ሃገራት ካብ ግምት ንላዕሊ ጽቡቕ ክኸውን ምዃኑ ገሊጹ።

   ኣብቲ ዘተ "ሉዑል ናይ ንግዲ ስምምዓት" ከም እተገብረ እኳ እንተ ተሓበረ፡ ብሰንኪ እቲ ንታይዋን ዝወሃብ 11 ቢልዮን ዶላር ዝግመት ናይ ኣጽዋር መሸጣን ምስ ምስጢራዊ ድጋፍ ፋብሪካታት ቻይና ንኢራንን ዘለዎ ምስሕሓብ ግን ኵሉ እቲ ጸገማት ገና ኣይተፈትሐን።

   ኣብ ውሽጢ ምንቅስቓስ Make America Great Again (MAGA) ዘለዉ ሓለፍትን ተንተንትን ግን፡ እዚ ዝተቐየረ ዝመስል ቃና ትራምፕ ንመላእ ሰዓብቱ ክጸሉ ከም ዝኽእልን መጻኢ ታይዋን ኣብ ትሕቲ ሕቶ ምልክት ከም ዘሎን ይገልጹ።

7. 16 ጉንቦት 2026ኣመሪካ፡ ንመራሒ ኩባ ዝነበረ ራኦል ካስትሮ ክትከስስ መደብ ከም ዘለዋ ተገሊጹ

   ምኒስትሪ ፍትሒ ኣመሪካ፡ ቅድሚ 30 ዓመታት ንዝተፈጸመ ናይ ክልተ ነፈርቲ ምውዳቕ ፍጻመ ብምግንዛብ፡ ኣብ ሽምግልና ንዝርከብ መራሒ ኩባ ነበር ራኦል ካስትሮ ብገበን ንምኽሳስ ምድላዋት ይገብር ከም ዘሎ ተገሊጹ።

   ብመሰረት ዝተረኽበ ጸብጻብ፡ እቲ ብቤት ምኽሪ ዳኛታት ኣመሪካ ክጸድቕ ዝግበኦ ክሲ ዝወጽአ፡ ዳይረክተር ማእከላይ ትካል ስለያ ኣመሪካ (CIA) ምስ ሰበስልጣን ኩባ ንምዝታይ ናብ ሃቫና ኣብ ዝገበሮ ጕዕዞ እዩ።

   ዕድሚኡ 94 ዓመት ዝዀነ ካስትሮ፡ ኣብ 2021 ካብ መሪሕነት ዴሳዊ ሰልፊ ኩባ ብምውራድ፡ ነቲ ንልዕሊ ፍርቂ ክፍለ-ዘመን ዝቐጸለ ናይ ስድርኦም ስልጣን ዛዚሙዎ እዩ።

   ራኦል፡ ሓዉ ፊደል ካስትሮ ካብ ስልጣን ምስ ወረደ ነታ ሃገር ን15 ዓመታት መሪሑዋ እዩ።

   እዚ ክውሰድ ተዳልዩ ዘሎ ናይ ክሲ ስጕምቲ፡ ነቲ ኣመሪካ ኣብ ልዕሊ ኩባ እተካይዶ ዘላ ቍጠባዊ እገዳ ነዳድን ሰፊሕ እገዳታትን ዘጠቓልል ናይ ጸቕጢ ወፍሪ መቐጸልታ ክፋሉ እዩ።

8. 16 ጉንቦት 2026ትራምፕ፡ ላዕለዋይ መራሒ ውድብ ሕብረት ምስልምና ከም ዝተቐትለ ገሊጹ

   ፕረዚደንት ኣመሪካ ዶናልድ ትራምፕ፡ ሓይልታት ኣመሪካን ናይጀርያን ኣብ ኣፍሪቃ ብዘካየድዎ ወተሃደራዊ ስጕምቲ፡ ነቲ ኣብ ዓለምለኻዊ ደረጃ “ካልኣይ መራሒ ውድብ ሕብረት ምስልምና (ISIS)” ኰይኑ ዝነጥፍ ዝነበረ ሰብ ከም ዝቐተሉዎ ገሊጹ።

   ትራምፕ ኣብ ትሩዝ ሶሻል ኣብ ዝጸሓፎ መልእኽቲ፡ እቲ ሓባራዊ ስጕምቲ፡ “ነቲ ኣብ ዓለም ብዝለዓለ ደረጃ ንጡፍ ዝነበረ ግብረ-ሽበራዊ” ኣቡ-ቢላል ኣል-ሚኑኪ ንምውጋድ፡ “ብዘይኰነ ይዅን ጌጋ ፍጹም ብዝዀነ መንገዲ ከም ዝተፈጸመ” ገሊጹ።

   ኣል-ሚኑኪ ብ2023 ብዋሽንግተን ፍሉይ ዓለምለኻዊ ግብረ-ሽበራዊ ተባሂሉ ተረቚሑ ነይሩ።

   ወተሃደራዊ ሓይሊ ናይጀርያ ግን ክሳዕ ሕጂ ብዛዕባ እቲ መጥቃዕቲ ዝሃቦ መግለጺ የሎን።

   እዚ ቅትለት’ዚ እንተ ተረጋጊጹ፡ ስዒቡ ምስቲ ብ2019 ዝተፈጸመ ቅትለት መራሒ እቲ ጕጅለ ኣቡ በክር ኣል-ባቕዳዲ፡ ንውድብ ሕብረት ምስልምና (IS) ካልእ ዓብዪ ስዕረት ክኸውን ይኽእል እዩ።

   ቢቢሲ ንመንግስቲ ኣመሪካን ሰብስልጣን ናይጀርያን ርእይቶኦም ንምሃብ ኣዘራሪቡዎም ኣሎ።

   ኣል-ሚኑኪ (ኣቡ በክር ኢብን ሙሓመድ ኢብን ዓሊ ኣል-ማይኑኪ ተባሂሉ እውን ዝፍለጥ)፡ ነቶም ምስ ውድብ ሕብረት ምስልምና (IS) ምትእስሳር ዘለዎምን ኣብ መላእ ኣፍሪቃ ዝርከቡን ዋህዮታት ይመርሕ ነይሩ።

   ብፍላይ ድማ ነቲ ኣብ ሓውሲ ተፋሰስ ቀላይ ጫድን ሳሕልን ዓሪዱ ዝርከብ ምስ ኒጀር፡ ጫድን ማሊን ዶብ-ሰገር ምትእስሳር ዘለዎ ግዝኣት ውድብ ሕብረት ምስልምና ምዕራብ ኣፍሪቃ ይመርሕ ከም ዝነበረ ተፈሊጡ ኣሎ።

   እቲ ናይ ትራምፕ መልእኽቲ ብዛዕባ እቲ ስጕምቲ ወይ እቲ ሓባራዊ ልኡኽ ዝተፈጸመሉ ግዜ ዝርዝር ሓበሬታ ኣይሃበን። ትራምፕ፡ ሞት ናይዚ መራሒ ንኣፍሪቃን ዓለምለኻውን መርበባት ውድብ ሕብረት ምስልምና (IS) ሓያል ውቅዒት ምዃኑን ንእዝን ቍጽጽርን ከም ዝተበታተነ ገሊጹ።

9. 16 ጉንቦት 2026ትራምፕ ምስ ጂንፒንግ ድሕሪ ምርኻቡ ድሕሪ ሰዓታት ታይዋን ናጽነታ ከይትእውጅ ኣጠንቂቑ

10. 16 ጉንቦት 2026ኣቢይ ኣሕመድ፡ ሃገራዊ ዘተ ንስልጣን መራሒ ንምግዳብ ዝዓለመ ምዃኑ ገሊጹ

11. 16 ጉንቦት 2026ሓድሽ ለበዳ ኢቦላ ሰባት ይቐትል

12. 16 ጉንቦት 2026ዶናልድ ትራምፕ፡ ንመደባት ንዩክለር ኢራን ን20 ዓመታት ደው ምባል እኹል'ዩ ኢሉ

13. 15 ጉንቦት 2026ሓድሽ ለበዳ ኢቦላ ብዙሓት ሰባት ይቐትል

    ኣብ ደሞክራስያዊት ሪፓብሊክ ኮንጐ ተኸሲቱ ዘሎ ሓድሽ ለብዒ ሕማም ኢቦላ ብውሕዱ 65 ሰባት ከምዝቐተለ ይግለጽ ኣሎ።

    ኣብቲ ኣብ ምብራቓዊ ዞባ ኢቱሪ ዝተራእየ ለበዳ፡ ኣስታት 246 ሰባት ተለኺፎም ከምዘለዉ'ውን ማእከል ምቁጽጻርን ምክልኻልን ሕማማት ኣፍሪቃ (Africa CDC) ሓቢሩ።

    ንወከልቲ እታ ሃገር፡ ከምኡ'ውን ጐረባብታ ዝኾና ዩጋንዳን ደቡብ ሱዳንን ዘሳተፈ ህጹጽ ኣኼባ ክግበር ጸዊዑ ምህላዉ'ውን እቲ ትካል ኣብ ዘውጽኦ መግለጺ ጠቒሱ።

    ንፈለማ እዋን ኣብ 1976 ኣብ 'ዛየር' (ናይ ሕጂ ደሞክራስያዊት ሪፓብሊክ ኮንጐ) ዝተቐልቀለ ኢቦላ፡ ካብ መንካዕ ዝተበገሰ ምዃኑ'ዩ ዝእመን።

    ኣብዛ መበል 17 ክስተት ናይቲ ሕማም ኣጋጢምዋ ዘሎ ሃገር፡ ካብ 2018 ክሳብ 2020 ዝነበረ እዋን ዝበዝሑ (2,300) ግዳያት ዝቐዘፈሉ እዩ ነይሩ።

    ኣብ ዝሓለፈ 50 ዓመታት፡ ኣብ ሃገራት ኣፍሪቃ ጥራይ ኣስታት 15,000 ሰባት በቲ ሕማም ሞይቶም ኣለዉ።

14. 15 ጉንቦት 2026ሓላፊ ስለያ ወጻኢ ኣመሪካ ኣብ ኲባ ምብጻሕ የካይድ ኣሎ

    ዳይረክተር ሲ-ኣይ-ኤ ምስ መራሕቲ ኲባ ንምዝርራብ ናብ ርእሰከተማ ሃቫና ኣትዩ።

    ምስ ኲባዊ መዘናኡ ብምርኻብ ዝተዘራረበ ጆን ራትክሊፍ፡ መልእኽቲ ፕረዚደንት ዶናልድ ትራምፕ ከብጽሕ ከምዝኸደ ምንጭታት ሲ-ኣይ-ኤ ብምጥቃስ ማዕከናት ዜና ኣመሪካ ሓቢረን።

    ብወገን ኲባ ዝወጸ መግለጺ ከምዘመልክቶ፡ ምብጻሕ ናይቲ ሓላፊ ስለያ ኣብ መንጐ ዋሽንግተንን ሃቫናን ዘሎ ሓርፋፍ ዝምድና ንምምሕያሽ ዝዓለመ እዩ። ሰበስልጣን ሃቫና፡ ኲባ ንሃገራዊ ድሕነት ኣመሪካ ስግኣት ከምዘይኮነት ከምዝገለጽሉ'ውን ሓቢሮም ኣለዉ።

    ኣብዚ ቀረባ እዋን፡ ኲባ ካብ ቨነዙዌላ ትረኽቦ ዝነበረት ቀረብ ነዳዲ ደው ድሕሪ ምባሉ ቅልውላው ጸዓት ኣጋጢምዋ ምጸንሑ ይፍለጥ።

    ኣመሪካ፡ ነቲ ኣብታ ሃገር ተፈጢሩ ዘሎ ማሕበረ-ቁጠባዊ ብድሆታት ንምፍታሕ ናይ 100 ሚልዮን ዶላር ደገፍ ክትህብ ደጊማ ኣረጋጊጻ ኣላ። ጸሓፊ ጉዳያት ወጻኢ ኣመሪካ ማርኮ ሩብዮ፡ ሃቫና ነቲ ሓገዝ ከምዝነጸገቶ ተዛሪቡ'ኳ እንተነበረ፡ ሰብመዚ ኲባ ግን ሓቂ ከምዘይኮነ'ዮም ዝገልጹ።

    ኣብቲ ርክብ፡ ወዲ-ወዱ ንፕረዚደንት ነበር ራኡል ካስትሮ ዝኾነ ራኡል ሮድሪገዝ ካስትሮ፡ ሚኒስተር ውሽጣዊ ጉዳያት ላዛሮ ኣልቫረዝ ቻዛስ፡ ከምኡ'ውን ሓላፊ ስለያ ኲባ ተረኺቦም ነይሮም።

    ክልቲኦም ወገናት፡ "ብዛዕባ ስለያዊ ምትሕግጋዝ፡ ቁጠባዊ ምርግጋእ፡ ከምኡ'ውን ካልኦት ጸጥታዊ ጉዳያት" ከምዝተዘራረቡ ሓደ ብዓልስልጠን ሲ-ኣይ-ኤ ንመሻርኽቲ ቢቢሲ ዝኾነ ኣመሪካዊ ማዕከን ዜና ሲ-ቢ-ኤስ ጠቒሱ።

    ብወገን ኲባ ዝወጸ መግለጺ ከምዝብሎ ድማ "ክልቲኦም ወገናት፡ ምእንቲ ረብሓ ክልቲአን ሃገራት፡ ዞባዊን ዓለምለኻዊን ጸጥታ፡ ኣብ መንጐ ትካላት ኣኽበርቲ ሕጊ ክልቲአን ሃገራት ምትሕግጋዝ ክህሉ ዘለዎም ድሌት ኣረጋጊጾም" ኣለዉ።

    እቲ ኣመሪካ ክትህቦ መዲባ ዘላ ደገፍ ብመንገዲ ትካላት ካቶሊካዊት ቤተክርስትያንን ካልኦት ማሕበራት ሰብኣዊ ረዲኤትን ዝዕደል ምዃኑ፡ ክፍሊ ወጻኢ ጉዳያት ዘውጽኦ ጸብጻብ ይጠቅስ።

    ሩብዮ ኣብ ዝሓለፈ ሰሙን ናብ ቫቲካን ብምኻድ ምስ ርእሰ-ሊቃነ-ጳጳሳት ሊዮ መበል 14 ብምርኻብ ተዘራሪቡ ምንባሩ ይዝከር።

    ሃቫና ምስ ዋሽንግተን ዘለዋ ርክብ ንምምሕያሽ "መሰረታዊ ለውጥታት" ክትገብር ከምዘለዋ'ውን እቲ ብስሙ ዘይተጠቕስ ብዓልመዚ ሲ-ኣይ-ኤ ገሊጹ ኣሎ።

    ኣብ መጋቢት 2016 ፕረዚደንት ባራክ ኦባማ ናብታ ዴሳዊት ደሴት ወግዓዊ ምብጻሕ ብምክያድ ዝምድና ክልቲአን ሃገራት ንምምሕያሽ ዓቢ ስጉምቲ ወሲዱ ነይሩ።

    እንተኾነ ንዕኡ ተኪኡ ናብ ዋይት ሃውስ ዝኣተወ ዶናልድ ትራምፕ፡ ኣብ ልዕሊ ኲባ ተሪር ፖሊሲ ከምዝኽተል ብምግላጽ፡ ንገለ ውሳኔታት ምልዓል እገዳ ኦባማ ሰሪዙዎ።

    ኣብ 1959 ብፊደል ካስትሮ ዝምራሕ ዴሳዊ ምንቅስቓስ ኣብ ሃቫና ስልጣን ድሕሪ ምሓዙ፡ ንትካላት ብሕቲ ኣመሪካ ኣብታ ሃገር ብምህጋሩ፡ ዋሽንግተን ሰፊሕ ማዕቀብ ኣንቢራ።

    ኲባ እቲ ዘይፍትሓዊ እትብሎ፡ ኣብ ልዕሊኣ ሓያል ቁጠባዊ ሃስያ ዘስዓበ ዕጽዋ (ኢምባርጐ) ክለዓለለ እያ ትጠልብ።

    ኣብዚ ቀረባ እዋን፡ ንራኡል ካስትሮ ተኪኡ መሪሕነት ዝተረከበ ፕረዚደንት ሚገል ዲያስ-ካነል፡ ዋሽንግተን ኣብ ክንዲ ደገፍ ምሃብ ነቲ ዕጽዋ ብምልዓል ኩነታት ከተጣጥሕ ከምዝደሊ ተዛሪቡ ነይሩ።

15. 15 ጉንቦት 2026ካብ ሞት ናብ ተስፋ፡ ብሓድሽ ሕክምናዊ ተኣምር ካብ መንሽሮ ደም ዝደሓነት

16. 15 ጉንቦት 2026ኤርትራ፡ ምኒስተር ዜና ንብልጽግናን 'ተሓለቕቱን' ብትሪ ወቒሱ

17. 15 ጉንቦት 2026ኣብ ሳሕል ሓያል ቍጥዐ ዝገጠማ ፈረንሳ ኣብ ምብራቕ ኣፍሪቃ ሓደስቲ መሓዙት ተናዲ፡ ንምንታይ?

18. 14 ጉንቦት 2026ዝተቖረሰት ትግራይ ኣብ ሃገራዊ መረጻ ክትሳተፍ ኣይትኽእልን- ዶ/ር ደብረጽዮን

19. 14 ጉንቦት 2026ብሪጣንያ፡ ፖለቲካዊ ቅልውላው ቀዳማይ ሚኒስተር ስታርመር ይገድድ

    ካብ ውሽጢ እቲ ባዕሉ ዝመርሖ ገዛኢ ሰልፊ ዕዮ ተቓውሞ ገጢምዎ ዘሎ ቀዳማይ ሚኒስተር ብሪጣንያ ኪር ስታርመር፡ ካብ ስልጣኑ ክወርድ ዝግበር ዘሎ ምንቅስቓስ ሎሚ ናብ ጥርዙ በጺሑ'ሎ።

    ክወዳደሮ ሃቐነ ኣለዎ ክብሃል ዝቐነየ ላዕለዋይ ሚኒስተር (ጸሓፊ) ክፍሊ ጥዕናን ማሕበራዊ ክንክንን ዌስ ስትሪቲን፡ ኣብቲ ቀዳማይ ሚኒስተር ዝነበሮ ምትእምማን ከምዝጐደለ ብምግላጽ ካብ መዝነቱ ከምዝወረደ ኣፍሊጡ'ሎ።

    ኣብ ዝሓለፈ ኣስታት ክልተ ዓመት ኣብቲ ንሱ ዝመርሖ ኣገዳሲ ክፍሊ፡ ርኡይ ለውጢ ከምዘምጽአ ዝገለጸ ስትሪቲን፡ ኣብቲ ቅድሚ ሓደ ሰሙን ዝተኻየደ ዞባዊ ምርጫታት ሰልፊ ዕዮ ብገፊሕ ምስዓሩ ብቐንዱ ድኽመት ስታርመር ምዃኑ'ዩ ዝምጉት።

    "ሓደገኛ ሃገራውነት ዓዲ-እንግሊዝ" የመናውያን ሰልፍታት ንክብሪታት ብሪጣንያ ኣብ ስግኣት ኣውዲቕዎ ኣሎ ክብል'ውን ስትሪቲንግ ይጠቅስ። ኣብቲ ምርጫታት በቲ ኣንጻር ስደተኛታት ተሪር መርገጺ ዘለዎ ናይጃል ፋራጅ ዝምራሕ ሰልፊ 'ጽገና ብሪጣንያ' (ዩ-ከይ ሪፎርም) ዝዓበየ ዓወት ከምዝተጓናጸፈ ይፍለጥ።

    ኣብቲ ነቲ ቀዳማይ ሚኒስተር ዝጸሓፎ ደብዳበ፡ ስትሪቲን ዛጊት ኣንጻር እቲ ቀዳማይ ሚኒስተር ክወዳደር ይሓስብ ምህላዉ ብንጹር'ኳ እንዘይገለጸ፡ እቲ ወሲድዎ ዘሎ ስጉምቲ ናብ ውሽጣዊ ውድድር ዘምርሕ ምዃኑ'ዩ ዝግለጽ ዘሎ።

    ብመሰረት ሕጊ ሰልፊ ዕዮ፡ ደገፍ ናይ 81 ኣባላት ፓርላማ ዝኾኑ ወከልቲ ናይቲ ሰልፊ እንትረኺቡ ኣንጻር ስታርመር ንምውድዳር ጠለብ ከቕርብ ይኽእል'ዩ።

    ጸሓፊት (ቻንስለር) ፋይናንስ ዝኾነት ዝርከቦም ልዕሊ 110 ኣባላት ባይቶ ዝኾኑ ወከልቲ ሰልፊ ዕዮ ግን፡ ኣብዚ እዋን'ዚ ኣብ መንግስቲ ዘይምርግጋእን ሕንፍሽፍሽን ምፍጣር ንረብሓ እታ ሃገርን እቲ ሰልፊን ከምዘይጠቅም ብምምጓት ንስታርመር ዘለዎም ደገፍ ገሊጾም ኣለዉ።

    እቲ ካብቶም ብዕድመ ዝነኣሱ መራሕቲ እቲ ሰልፊ ምዃኑ ዝንገረሉ ስትሪቲን፡ ዋላ'ኳ ደገፍ 81 ኣባላት ብምርካብ ክወዳደር ዝኽእል እንተኾነ፡ ቅድሚ መፍትሕ 'ዳውኒን ስትሪት' 10 (ቤትጽሕፈት ቀዳማይ ሚኒስተር) ምርካቡ፡ ምስ ካልኦት ፍሉጣት መራሕቲ እቲ ሰልፊ ሓያል ቊርቊስን ውድድርን ይጽበዮ ምህላዉ ትጽቢት ይግበር።

    ብስታርመር ዝምራሕ ሰልፊ ዕዮ ኣብ ሓምለ 2024 ኣብ ዝተኻየደ ሓፈሻዊ ሃገራዊ ምርጫ ብገፊሕ ብምስዓር'ዩ ንሰልፊ ዓቃባውያን ብምትካእ ናብ ስልጣን ተመሊሱ።

20. 14 ጉንቦት 2026ዝምድና ኣመሪካን ቻይናን ኣብ ዓለም 'ዝዓበየ ኣገዳስነት' ዘለዎ'ዩ - ፕረዚደንት ሺ

    መራሕቲ ቻይናን ኣመሪካን ብዛዕባ ኣብ መንጐ ክልቲአን ሃገራት ዘሎ ንግዳዊ ምስሕሓብ፡ ጉዳይ ቅልውላው ፈጢሩ ዘሎ ቀረብ ነዳዲን ኢራንን ከምዝተዘራረቡ ዋይት ሃውስ ሓቢሩ።

    ኣብ በይዢንግ ዝርከብ ዶናልድ ትራምፕ ምስ ቻይናዊ መዘናኡ ሺ ዢንፒንግ ኣብ ዘካየዶ ዝርርብ፡ ነቲ ዴሳዊ መራሒ ዘለዎ ኣድናቖት ገሊጹ።

    "ዓቢ መራሒ ኢኻ። ንኹሉ ሰብ ዝብሎ ነገር እዩ። ምሳኻ ምርኻብ ክብሪ እዩ፡ መሓዛኻ ምዃን ክብሪ እዩ" ክብል ንሺ ክውድስ ዝተሰምዐ ትራምፕ፡ ኣብ መንጐኦም ንዘሎ ጸገማት ንምፍታሕ እናተደዋወሉ ክረዳድኡ ምጽንሖም ተዛሪቡ።

    ሺ ብወገኑ፡ ኣብ መንጐ ኣመሪካን ቻይናን ዘሎ ዝምድና ኣብ ዓለም 'ዝዓበየ ኣገዳስነት' ዘለዎ ምዃኑ ብምጥቃስ "መቐናቕንቲ ዘይኮነ መሻርኽቲ ክንከውን ኣለና፡ እናተሓጋገዝና ክንዕወትን ክንብልጽግን ይግባኣና" ክብል ተዛሪቡ።

    "ምህናጽ ዳግማይ ዓባይ ኣመሪካ" ዝብል ጭርሖ ትራምፕ'ውን ምስ ቻይና ዝቃዶ ምዃኑ እቲ ቻይናዊ መራሒ ገሊጹ።

    መንግስታዊ ማዕከናት ዜና እታ ዴሳዊት ሃገር ብዛዕባ'ቲ ዝርርብ ኣብ ዘውጽእዎ ጸብጻብ ግን፡ ኣመሪካ ኣብ ጉዳይ ደሴት ታይዋን ዘለዋ ኣተሓሕዛ ክትጥንቀቐሉ ሺ ከምዘተሓሳሰበ የመልክት።

    ፕረዚደንት ሺ፡ ድሕሪ ዝርርቦም ንትራምፕን ጉጅልኡን ኣብ 'ግሬት ሆል' (ቤተመንግስቲ ቻይና) ወግዓዊ ናይ ምቕባል እንግዶት ገይሩሎም።

    እቲ ድሕሪ 2017 ንፈለማ እዋን ናብ በይዢንግ ዝበጽሕ ዘሎ ኣመሪካዊ ፕረዚደንት ብወገኑ፡ ሺ ናብ ኣመሪካ ምብጻሕ ከካይድ ዕድመ ኣቕሪቡሉ ኣሎ።