BBC News, ትግርኛ - መእተዊ ገጽ

ብጽምእን ጥምየትን ዝሃለቝ ካብ ሊብያ ዝተበገሱ ስደተኛታት

ኣብ 2025 ኣብ ምብራቓዊ ክፋል ማእከላይ ባሕሪ ብውሕዱ 103 ሰባት ከም ዝሞቱ ወይ ከም ዝጠፍኡ ትካል ስደተኛታት ሕቡራት ሃገራት የመልክት። ኣብ ዝሓለፈ ታሕሳስ፡ ኣብ ውሽጢ ሓንቲ ማይ መሊኣ ብከፊል ጥሒላ ኣብ ጥቓ ገማግም ባሕሪ ቅሬጥስ ዝጸንሓት ጃልባ ሬሳ ናይ 17 ስደተኛታት ከምዝተረኸበ ዝዝከር'ዩ።

ቀይሕ ባሕሪ ብሑቲ ኣንጸላልይዎ ዘሎ ሓዲሽ ደበና ስግኣት

ዕጡቓት ሑቲ እቲ ኣብ ልእሊ እስራኤል ዝፈጸምዎ ናይ ሚሳይል መጥቓዕቲ ኣብ ዝቅጽል መዓልታት'ውን ከምዝቅጽልዎ ይገልጹ ስለዘለዉ፡ ከምቲ ቃሎም ኣብ ልዕሊ እስራኤል ዝጀመርዎ ዳረባ ሚሳይል እንተቐጺለሞ፡ እቲ ኣብ ወሽመጥ ዓረብ ዘሎ ኵናት ክሰፍሕን ካልእ መልክዕ ክሐዕዝን ተክእሎ ኣሎ።

ብልጽግና፡ ሰልፊታት ኣብንን ኢዜማን ኣብ ዝወዳደርሉ ከባቢታት ሕጹያት ኣየቕረበን

ገዛኢ ሰልፊ ብልጽግና ኣብቲ ሰልፍታት ኣብን [ኣማራ ብሄራዊ ንቅናቁ] ከምኡ ከኣ ኢዜማ [የኢትዮጵያ ዜጎች ለማህበራዊ ፍትህ] ዝወዳደርሉ ልዕሊ 80 ዝኸውን መንበራት ወከልቲ ህዝቢ ሕጹያት ከም ዘየቕረበ ቢቢሲ ኣረጋጊጹ።

ቅልውላው ነዳዲ፡ ኤርትራን ኢትዮጵያን ዝርከብአን ሃገራት ዝወስድኦ ዘለዋ ስጕምታት

ኲናት ኢራን እናሰፍሐ ኣብ ዝኸደሉ፡ ኣብዚ መስመር ዕግታ ክገብር ትንዕ ዝብል ዘሎ፡ ቀንዲ ደጋፊ ኢራን ዝዀነ ሓይሊ ሑቲን መሻርኽቱ ዕጡቓት እቲ ዞባን ክንቀሳቐሱ ኣብ ዝጀመሩሉ እቲ ሳዕቤን ክመርር ከም ዝኽእል ድማ ብኣጋ ስግኣት ፈጢሩ ኣሎ።

ዋጋ ጠስሚ ሰማይ ኣብ ዝዓረገሉ ኣየናይ ዘይቲ ክንጥቀም ይምረጽ?

ኣብዚ እዋን እዚ ናብ ዕዳጋ ዝቐረቡ ዓይነታት ዘይቲ ተቘጺሮም ኣይውድኡን። ኵሎም ድማ ናይ ገዛእ ርእሶም ባህርያት ዝሓዙ እዮም። ስለዚ መዓልታዊ እንጥቀመሉ ዘይቲ ምምራጽ ቀሊል ኣይኰነን።

ኤርትራ፡ ምስ ኵሉ ጸጋታታ ስለምንታይ ወጻእተኛታት በጻሕቲ ዘይገሹዋ?

ኤርትራ፡ ካብ ድቃሳ ምስተበራበረት ንጸጋታት ክትሰርሓሉ እንተጀሚራ መስሕብ ቀርኒ ኣፍሪቃ ክትከውን ዓቢይ ተኽእሎን ዕቝር ጸጋታትን ከምዘለዋን ዘጠራጥር ኣይኰነን፤ ሕጂ ግን ብድኽመት ምሕደራ ዝተዳህከት፡ ኣዝያ ዕጽውቲ ሃገር እያ።

ኢሳይያስ ኣፈወርቂ፡ ብዘይቅዋምን ምርጫን ንልዕሊ 34 ዓመታት ኣብ ስልጣን ዝርከብ መራሒ

ኣብ 1993፡ ኤርትራውያን መሰል ርእሰ-ውሳነኦም ብረፈረንዱም ምስ ኣረጋጋጹ፡ ኢሳይያስ ንፈለማ እዋን ከም መራሒ ኤርትራ ኣብ ኣህጉራዊ መድረኻት ተራእየ። ኣብ ዋዕለ መራሕቲ ኣፍሪቃ ኣብ ካይሮ ኣብ ዝተሳተፈሉ፡ ነቶም ኣብ ስልጣን ዝጸንሑ ወለዶ መራሕቲ ኣፍሪቃ፡ "ንሓያሎ ዓመታት ኣብ ስልጣን ክዅየጡ ዝደልዩ፡" ክብል ዘሊፉዎም።

ኤርትራ ብኸመይ ካብዚ ዘይብተኽ ዓንኬል ኲናትን 'መዋእል ክሳራን' ክትገላገል ትኽእል?

እቲ ዝበዝሕ ኣፍራዪ ዓቕሚ ሰብ እታ ሃገር፡ ካልኣይ ደረጃ ይዅን ዩኒቨርሲቲ ዝወድአ ከይተረፈ፡ ኣብ ሰራዊት ከቲቱ ብዘይኣድማዕነት ዝጸንሐ'ዩ። በዚ ድማ እቲ እንኮ መዋጽኦ መንእሰያት ኤርትራ፡ ስደት ኰይኑ ጸኒሑን ኣሎን። ብሰንኪ ብሕታዊ ወፍሪ ዘየተባብዕ ፖሊሲ መንግስቲ ድማ ናይ ወጻኢ ኣውፈርቲ ክኣትዉስ ይትረፍ እቶም ኣብ ውሽጢ ዓዲ ንኣሽቱን ማእከሎትን ንግዳዊ ትካላት ብምምስራት ክንቀሳቐሱ ጀሚሮም ዝነበሩ ብዙሓት ሰብ ጸጋ ዜጋታት'ውን ግዳይ ናይቲ ኵነታት ኰይኖም ምስ ገንዘቦም ናብ ስደት ውሒዞም'ዮም።

ኤርትራ፡ ጽምዶ ጽቡቕ እዩ - ግን መን ምስ መን፡ ንምንታይ ዕላማኸ?

እቲ ኣብ መንጎ መንግስቲ ኤርትራን ህወሓትን ክግበር ዝዕደም ዘሎ ጽምዶ ግን ብምንታይ ዝተደረኸ እዩ? እቶም ኣብ ኵናት ሓድሕድ ኢትዮጵያ 2020 – 2022 ሓድሕድ ዝተዳመዩ፡ ሕዱር ቅርሕንቲ ዝነበሮም ሓይልታት ስለምንታይ ኣብዚ ግዜ'ዚ ክላፈኑን ክጻመዱን ደልዮም?

ትግራይ፡ ክሳብ መዓስ እያ ዓውደ-ኲናት ኰይና ክትነብር?

ብሰንኪ'ቶም ካብ ቅድሚ 100 ዓመታት ኣትሒዞም ዝተኻየዱ ተኸታተልቲ ውግኣት ኣእላፍ ሰባት ሃሊቘም፡ ንብረትን ጥሪትን በሪሱ፡ ኣግራብን ዘራእትን ጣሕሲሱ፡ እንስሳ ዘ-ገዳም እውን ፈሊሰን። እንተዀነ፡ ሎሚ እውን ካልእ ህልቂት ከስዕብ ዝኽእል ደበና ኲናት የንጸላሉ ኣሎ።

ቪድዮ,

ኢራን፡ ንኣያቶላህ ኻመኒ ንምቕታል ኣዋርሕ ዝወሰደ ውጥን ኣመሪካን እስራኤልን

ቪድዮ,

ብኤኣይ ዝሰልጠኑ ሮቦታት፡ ይስሃቕን ሚሞን ገዛኹም ከጽርዩ ምፈቐድኩምሎም'ዶ?

ቪድዮ,

"ቅድሚ ጕያ ኵዕሶ እየ ጀሚረ" - ኣትሌት ኣማን ጴጥሮስ

ካብ 2012 ጀሚሩ ኣብ ዓውዲ ስፖርት ጉያ ዝነጥፍ ዘሎ ኣትሌት ኣማን፡ ኣብ ዝተፈላለዩ ኣህጉራውን ዓለም ለኻውን ውድድራት ብምስታፍ ብዘምዘገቦም ዓወታት ካብቶም ጽቡቕ ሽም ዘለዎምን ዝያዳ ትጽቢት ዝግበረሎምን መንእሰይ ኣትሌታት ሓደ እዩ፡፡

ቪድዮ,

ጥዕና ክልተ ደቃ ንምድላይ ዝተሰደት ኤርትራዊት ኣደ

ፍርቱና ግርማይ ኣብ ለውጥን ዕድላትን መናእሰይ ኣተኲራ ትሰርሕ ኤርትራዊት

ኢራናውያን ብዛዕባ'ቲ ኲናት እንታይ'ዩ ዝንገሮም ዘሎ?

መንግስታዊ መራኸቢ ብዙሃን ኢራን ብዛዕባ እቲ ኲናት ዝህብኦ ሽፋን፡ ኣብ ልዕሊ ጸላኢ ዝበጽሕ ዘሎ ክሳራትትን ንኢራን ዘወድስ ዲጂታላዊ ምትላልን ዘጠቓልል እዩ።

ኣብ እዋን ኲናት፡ ነፈርቲ ህዝባዊ መጓዓዝያ ብኸመይ'የን ዝበራ?

ኣብ ማእከላይ ምብራቕ ድሕሪ ዝተወልዐ ኲናት ኣመሪካን እስራኤልን ምስ ኢራን ዘስዓቦ መጥቃዕቲ ሚሳይላት ስዒቡ፡ ኣብ ልዕሊ ኢራንን ወሽመጥ ዓረብን ዘሎ ክሊ ኣየር ኣዝዩ ተገዲቡ ይርከብ፤ እዚ ድማ ኣብ ልዕሊ መንገዲ ኣየር ተወሳኺ ጸቕጢ ፈጢሩ ኣሎ።

ኣመሪካ ንምንታይ'ያ ንኢራናዊት ደሴት ካርግ ኣጥቂዓታ?

ዶናልድ ትራምፕ፡ ምክልኻል ኣመሪካ ንሓንቲ ንኢራን መትኒ ቁጠባኣ ምዃነ እትግለጽ ንእሽተይ ደሴት ከምዝደብደባ ገሊጹ። ትራምፕ ኣብ ደሴት ካርግ ዝነበረ ወተሃደራዊ መሳለጥያታት ኢራን ምሉእ ንምሉእ ከምዝዓነወ ብምሕባር፡ ኣብታ ደሴት ዝነበረ ትሕተ ቅርጺ ነዳዲ ግን ከምዘይሃረምዎ ሓቢሩ።

ካብ ኵናት ኢራን፡ ኣየኖት ሃገራት'የን ክኸስባ፡ በዓል መንከ ዝያዳ ይህሰያ?

ብደረጃ ዓለም ዋጋ ነዳድን ጽዓት ወሰኽ ኣብ ዘርኣየሉ፡ ብዙሓት ሃገራት ብቁጠባ ክህሰያ'የን። እንተኰነ ገለ ሃገራት ነዚ ዘሎ ዕግርግር ናብ ረብሐአን ብምቕያር ክኸስባ ክኽእላ'የን። ግን ካብ ኵናት ኢራን መን'የን ክኸስባ፡ መንከ ክህሰያ'የን?

ማይ፡ ኣብ ውግእ ኣመሪካን እስራኤልን ምስ ኢራን ከም መሳርሒ ኲናት ውዒሉ ድዩ?

ኣብዚ ሕጂ ኣብ መንጎ ኣመሪካን እስራኤልን ኢራንን ዝካየድ ዘሎ ኲናት ትሕተ ቅርጺ ማይ ዒላማ ምግባር ስግኣታት የልዕል።

ወተሃደራት እስራኤል፡ ንፍልስጤማዊ ቈልዓ ብጥይት ሃሪሞም ክሳብ ዝመውት ደው ኢሎም ምርኣዮም ዘረጋገጸ ቪድዮ

እቶም ወተሃደራት - ብድምር 14 - ድሕሪኡ ብውሑዱ ን45 ደቓይቕ ኣብ ዙርያ ጃድ ብዘይ ገለ ዕላማ ደው ኢሎም፡ ንሱ ድማ ካብ ሓደ ወይ ልዕሊኡ ብጥይት ዝተሃረመሉ ክፍሊ ኣካላቱ ይደሚ ነይሩ።

ኤርትራን ኢትዮጵያን 'ኣብ ድርኲኺት ሓድሽ ኲናት ኣለዋ' ክብል ዓለማዊ ትካል ኣጠንቂቝ

ኣብ ግዜ ኲናት ትግራይ ዝነበረ ጥምረት ቀዳማይ ምኒስተር ኣቢይን ፕረዚደንት ኢሳይያስን ጽኑዕ ዝነበረ ኰይኑ፡ ሕጂ ግን ኢትዮጵያ ንኤርትራ፤ ንዓለወኛታት (ተቓወምቲ) ፋኖ ኣምሓራን ሓይልታት ትግራይን ትድግፍን ኣብ ርእሲኡ ድማ ዶብ እታ ሃገር ጥሒሳ ኣትያ ኣላ ብምባልን ትኸስስ ኣላ።

'ሞት ምሓሸኒ፡ ጕዕዞ ሲኦል'ዩ ነይሩ' - ኤርትራውያንን ኢትዮጵያውያንን ስደተኛታት ኣብ ሊብያ

ናብ ኤውሮጳ ንምእታው ብሊብያ ዝሓልፉ ኤርትራውያንን ኢትዮጵያውያንን ዝርከቡዎም ስደተኛታት ዝተፈላለያ ሃገራት፡ ኣብ ሊብያ ግዳያት ጾታዊ ዓመጽ፡ ግዱድ ጾታዊ ንግድን ምስርጣይ ይዀኑ ከም ዘለው ሕቡራት ሃገራት ዘውጽኦ ሓድሽ ጸብጻብ ኣመልኪቱ።

'ቀርኒ ኣፍሪቃ ዓውደ ውግእ ሓይልታት ወጻኢ ክኸውን ኣይግባእን' - ኤርዶጋን

እቲ፡ ብኣቡዳቢ ኣቢሉ ናብ ኣዲስ ኣበባ ከቕንዕ መደብ ዝነበሮ ፕረዚደንት ቱርኪ ጣይፕ ኤርዶጋን፡ እቲ ናይ ሰኑይ ናይ ኢማራት መገሻኡ ተሰሪዙ እዩ።

'ኣብ ሆቴል ጾታዊ ርክብ ፈጺምና፡ ብድሕሪኡ ብሕቡእ ካሜራ ናብ ኣሽሓት ከም ዝተዘርግሐ ፈሊጥና'

ኣብቲ ቪድዮ ዝነበሩ ጓልን ወድን - ናብ ክፍሊ ክኣትዉ፡ ቦርሳታቶም ከቐምጡን ጸኒሖም ጾታዊ ርክብ ክፍጽሙን ተመልከተ። እቶም መጻምድቲ ድማ ንሱን ኣፍቃሪቱን ነበሩ።