Wetin be di 10-point plan as US-Iran agree ceasefire to reopen of Strait of Hormuz
Wia dis foto come from, Getty Images/Reuters
Donald Trump say afta tok-tok wit di leadership of Pakistan, ceasefire go dey between di US and Iran if Iran agree to allow traffic through di Strait of Hormuz.
"I agree to suspend di bombing and attack of Iran for a period of two weeks," e tok.
"Dis go be a double sided CEASEFIRE!"
Trump kontinu, saying e go agree to di two week ceasefire "subject to di Islamic Republic of Iran agreement to COMPLETE, IMMEDIATE, and SAFE OPENING of di Strait of Hormuz".
Trump say Iran don send di US and Israel a ten-point plan.
Iranian Foreign Minister Abbas Araghchi later announce say Iran go agree to a ceasefire "if attacks against Iran stop".
E add "for a period of two weeks, safe passage through di Strait of Hormuz go dey possible".
Dis go happun "via co-ordination wit Iran Armed Forces and wit due consideration of technical limitations", e tok.
Wetin be di 10-point plan, according to an Iranian state broadcaster
Iranian media say: "Trump announce two-week ceasefire accepting Iran conditions to end war" and di outlet also refer to "Trump humiliating retreat from anti-Iran rhetoric".
- Complete cessation of di war on Iraq, Lebanon, and Yemen
- Complete and permanent cessation of di war on Iran wit no time limit
- End all fight-fight in di region pata-pata
- Reopen di Strait of Hormuz
- Establish protocol and conditions to ensure freedom and security of navigation in di Strait of Hormuz
- Full payment of compensation for reconstruction costs to Iran
- Full commitment to lifting sanctions on Iran
- Release of Iranian funds and frozen assets wey United States hold
- Iran fully commit to say dem no go possess any nuclear weapons
- Immediate ceasefire take effect on all fronts immediately upon approval of di above conditions
