සජීවී., මහර බන්ධනාගාරයේ 'නොසන්සුන්තාවක්' - පොලිස් මාධ්‍ය ප්‍රකාශක

සජීවී වාර්තාකරණය

බීබීසී සිංහල

1. මිනිත්තු 6 පෙරමහර බන්ධනාගාරය ඉදිරිපිට තත්ත්වය

2. මිනිත්තු 17 පෙරBreaking, තුවාලකරුවන් '5 දෙනෙක්' රාගම රෝහලට

   මහර බන්ධනාගාරයේ තුවාල ලැබූ "රැඳවියන් අවම වශයෙන් 5 දෙනෙකු" රාගම උතුරු කොළඹ ශික්ෂණ රෝහල වෙත ඇතුළත් කර ඇතැයි එහි ප්‍රකාශයෙක් පැවසුවා.

   ඔවුන් මේ වන විට හදිසි ප්‍රතිකාර ඒකකයට ඇතුළත් කර ඇති බව පැවසූ එම ප්‍රකාශකයා වැඩිදුරටත් සඳහන් කළේ, "ලෑස්ති වෙලා ඉන්නේ තව එනවා කියලා," යනුවෙනි.

3. මිනිත්තු 54 පෙරBreaking, මහර බන්ධනාගාරයේ "නොසන්සුන්තාවක්" - පොලිස් මාධ්‍ය ප්‍රකාශක

   මහර බන්ධනාගාරයේ "නොසන්සුන්තාවක්" හට ගෙන ඇතැයි පොලිස් මාධ්‍ය ප්‍රකාශක එෆ්.යූ. වුට්ලර් බීබීසීය වෙත පැවසුවා.

   අපත් සමග දුරකතනය ඔස්සේ සම්බන්ධ වෙමින් ඔහු සඳහන් කළේ, "අඩි 15ක තාවකාලිකව සකස් කරන ලද තහඩුවක් කඩාගෙන එන්න දරන උත්සහයක් බවට තොරතුරු ආරංචි වෙනවා. කඩවත, ඒ වගේ ම රාගම පොලිස් ස්ථානවලින් වැඩිදුර විමර්ශන ආරම්භ කරලා තියෙනවා."

   එසේ වුව ද මේ වන විට "තත්ත්වය පාලනය කර" ඇති බව ඔහු පැවසුවා.

4. මිනිත්තු 58 පෙරමහර බන්ධනාගාරය අසල තත්ත්වය

   මහර බන්ධනාගාරය අසල සවස තත්ත්වය දැක්වෙන ඡායාරූප කිහිපයක් අප වර්තාකරුගෙන් බීබීසීය වෙත ලැබී තිබෙනවා.

   

   

   

5. පැයකට පෙර'රැඳවියන් පිරිසක් වහළය මත ඉන්නවා කියලා තමයි තොරතුරු එන්නේ' - අධිකරණ ඇමති

   මහර බන්ධනාගාරයේ උදගත්ව ඇති බව කියන සිද්ධිය සම්බන්ධයෙන් තොරතුරු දැන ගැනීම සඳහා බීබීසී සිංහල අධිකරණ ඇමති හර්ෂණ නානායක්කාරගෙන් විමසීමක් කළා.

   "රැඳවියන් පිරිසක් වහළය මත ඉන්නවා කියලා තමයි තොරතුරු එන්නේ. මේ වනවිට සියලු ම නිලධාරීන් බන්ධනාගාර කොමසාරිස් ඇතුළුව ඒ අවශ්‍ය කටයුතු කරනවා ඒක සමනයට පත් කරන්න," ඔහු දුරකතනය ඔස්සේ බීබීසීය සමග සම්බන්ධ වෙමින් පැවසුවා.

   මෙය ගැටුමක් ද යන්න අප ඔහුගෙන් විමසූ අතර ඊට පිළිතුරු දෙමින් ඔහු මෙලෙස සඳහන් කළා.

   "දන්නේ නැහැ. කිසි තොරතුරක් මට නැහැ. දැනුයි ඒක වෙන්නේ දැන් ටිකකට කලින් තමයි මට ඔය තොරතුරු ටිකත් ආවේ."

6. පැයකට පෙරBreaking, ආයුබෝවන්!

   මහර බන්ධනාගාරයේ "නොසන්සුන්තාවක්" හට ගෙන ඇතැයි පොලිස් මාධ්‍ය ප්‍රකාශක එෆ්.යූ. වුට්ලර් බීබීසී සිංහල වෙත පැවසුවා. ඒ පිළිබඳව සජීව තොරතුරු අප මෙම පිටුව ඔස්සේ ඔබ වෙත ගෙන ඒමට සූදානමින්. රැඳී සිටින්න අපත් සමග.