BBC News, پښتو - کور پاڼه

د اسټرالیا تر ټولو ویاړلی ژوندی سرتېری په افغانستان کې د جنګي جرمونو په تور نیول شوی

د استرالیا تر ټولو ویاړلی ژوندی سرتېری بن رابرټس سمېت، نيول شوی او ټاکل شوې چې په افغانستان کې د جګړې د جرمونو په تور محاکمه شي. د راپورونو له مخې، رابرټس سمېت چې په ۲۰۱۳ کال کې د اسټرالیا له دفاعي ځواکونو وتلی، د سېډني په هوايي ډګر کې نیول شوی او ټاکل شوې ده چې د سې شنبې په ورځ په محکمه کې د پنځو قتلونو په تور چې د جګړې جرمونه بلل کېږي، محاکمه شي.

د کورونا پرمهال توقیف کې د مړینو له امله نهه هندي پولیس په اعدام محکوم شوي

هندوستان کې نهه پولیس په ۲۰۲۰ کال کې د توقیف پرمهال د یو پلار او زوی د مړینې له امله د مرګ په سزا محکوم شوي دي. د جنوبي ایالت تامیل ناډو ۵۸ کلن پلار پي جي راج او د هغه ۳۸ کلن زوی بېنکس د ایالت په زندان کې مړه شوي وو.

چین کې د کابل او اسلام اباد خبرې، دواړه لوري پر څه ټینګار لري؟

په افغانستان کې د طالبانو حکومت او پاکستان د استازو ترمنځ چین کې پر دوشنبه په پنځمه ورځ هم خبرې روانې وې. له پرله پسې هڅو سره سره دواړه خواوې د خبرو دجزییاتو په اړه له څه ویلو ډډه کوي. یوې باخبرې سرچینې تایید کړې چې له اوله سره د چین حکومت " نه غوښتل چې دا خبرې رسنیزې شي".

کابل وايي پاکستاني بریدونو کې "په ټولیز ډول ۷۶۱ ملکي افغانان وژل شوي"

په افغانستان کې د طالبانو حکومت وايي د فبرورۍ په ۲۲ مه د پاکستان د بریدونو له پیل راهیسې په افغانستان کې ۷۶۱ ملکي وګړي وژل شوي دي. د پاکستان د اطلاعاتو فدرالي وزیر عطا‍ تارړ بیا له خپل لوري ورکړ شوو شمېرو کې ویلي دي"د خوارجو او افغان د طالبانو۷۹۶ کسان یې وژلي دي او له ۱۰۰۰ زیات یې ژوبل کړې دي که څه هم د دواړو خواو ترمنځ له اختروروسته په عمومي ډول تاوتریخوالی راکم شوی خو بیا هم وخت نا وخت ډیورنډ کرښې ته څېرمه له پرتو سیمو نه د درنو وسلو د بریدونو راپورونه ورکول کېږي .

"څو شپې مې خوب نه دی کړی" ايرانيان د جګړې له امله د زياتېدونکې نهیلۍ کيسې کوي

تر هغه وخته چې جګړه د تهران په نورو سیمو کې روانه وه، نو د "ستارې" او د هغې د همکارانو پر ژوند یې اغیز کم و. خو کله چې هغې يو خطرناک ږغ واورېد، چې د دفتر ودانۍ یې ور ولړزول، نو یې همکارانو ته وويل: " فکر کوم د بم ږغ و."

درس