छत्रपती संभाजीनगरमध्ये वीज कोसळून 5 जणांचा मृत्यू, वीज अंगावर पडू नये म्हणून काय काळजी घ्यावी?

राज्यात काही भागांत मागील काही दिवसांपासून पावसाने दडी मारली असून दुष्काळग्रस्त परिस्थिती आहे. मात्र, काही ठिकाणी वादळी वारे आणि वीजांच्या कडकडाटासह पावसाने हजारे लावली आहे.

अशातच गुरुवारी (17 सप्टेंबर) छत्रपती संभाजीनगर जिल्ह्याच्या काही भागांत वादळी वारे आणि वीजांच्या कडकडाटासह झालेल्या पावसादरम्यान 2 ठिकाणी वीज कोसळली आणि 5 जणांचा मृत्यू झाला.

याशिवाय 4 जण जखमी झाले आहेत. जखमींना उपचारासाठी छत्रपती संभाजीनगर येथील रुग्णालयात दाखल करण्यात आले आहे.

दरम्यान, महाराष्ट्रात वीज पडून मृत्यू झाल्याच्या बातम्या वारंवार कानावर येतात.

दरवर्षी अनेक शेतकरी आणि जनावरं यांना वीज पडल्यामुळे आपला जीव गमवावा लागतो. झाडं, इमारती यांचंही नुकसान होतं.

त्यामुळे वीज अंगावर पडू नये, यासाठी आपण वैयक्तिक स्तरावर काळजी घेणं गरजेचं असतं.

आता आपण वीज अंगावर पडणार हे आपल्या लक्षात कसं येऊ शकतं, वीज अंगावर पडू नये यासाठी काय करावं आणि काय करू नये, तसंच एखाद्या व्यक्तीच्या अंगावर वीज पडल्यानंतर आपण काय प्रथमोपचार करू शकतो, याची माहिती जाणून घेणार आहोत.

वीज अंगावर पडू नये म्हणून काय करू शकतो?

नॅशनल क्राईम रेकॉर्ड्स ब्युरो अर्थात एनसीआरबीची आकडेवारी पाहिल्यास, भारतात 2017 मध्ये 2 हजार 885, 2018 मध्ये 2 हजार 357 आणि 2019मध्ये 2 हजार 876 इतक्या जणांचा वीज पडल्यामुळे मृत्यू झाला आहे.

दरम्यान, वीजेमुळे होणाऱ्या मृत्यूंची संख्या लक्षात घेता भारत सरकारच्या राष्ट्रीय आपत्ती व्यवस्थापन प्राधिकरणानं एक पत्रक जारी केलं होतं.

त्यात वीजेपासून स्वत:चा बचाव करण्यासाठी काय काळजी घ्यायला हवी, याची माहिती दिली आहे.

सुरुवातीला तुम्ही घराबाहेर असाल तर काय करायचं आणि काय करायचं नाही हे समजून घेऊयात.

घरात असल्यास काय खबरदारी घ्यावी?

आता तुम्ही घरात असाल तर काय करायचं आणि काय नाही हे जाणून घेऊयात.

वीज पडल्यानंतर काय करायचं?

एखाद्या व्यक्तीवर वीज पडल्यास तुम्ही त्याच्यावर प्रथमोपचार करू शकता. यामुळे तुम्ही त्या व्यक्तीचा जीव वाचवू शकता आणि वीज पडून जखमी झालेल्या व्यक्तीला तुम्ही स्पर्श करू शकता. असा स्पर्श करणं सुरक्षित असतं.

यासाठी...

(बीबीसीसाठी कलेक्टिव्ह न्यूजरूमचे प्रकाशन)