રસોઈમાં તેલનો વપરાશ ઘટાડવાની પીએમ મોદીની અપીલ વિશે રાજકોટવાસીઓ શું બોલ્યા?

રવિવારે સિકંદરાબાદ ખાતે પોતાના ભાષણમાં, વડા પ્રધાન નરેન્દ્ર મોદીએ ભારતીયોને પેટ્રોલ અને ડીઝલમાં કરકસર કરવા, શક્ય હોય એટલું વર્ક-ફ્રૉમ-હોમ અપનાવવા, એક વર્ષ સુધી સોનાની ખરીદી ટાળવા, અને એક વર્ષ સુધી રસોઈ માટેનું તેલ ઓછું વાપરવાની સાથે આ સમયગાળા દરમિયાન લોકોને વિદેશયાત્રા ટાળવાની પણ અપીલ કરી હતી.

એ પછી વડોદરામાં પણ તેમણે એ જ વાત કરી હતી. 36 કલાક કરતાં ઓછા સમયમાં બે વખતની અપીલને કારણે લોકોમાં આના વિશે ચર્ચા શરૂ છે.

પીએમ મોદીના કહેવા પ્રમાણે, ખાદ્યતેલનો ઓછો વપરાશ કરવાથી ન કેવળ વિદેશી હુંડિયામણની બચત થશે, પરંતુ લોકોના આરોગ્યને પણ ફાયદો થશે.

ભારત તેના ખાદ્યતેલની કુલ જરૂરિયાતના 55થી 60 ટકા તેલ અલગ-અલગ સ્વરૂપે વિદેશથી આયાત કરે છે.

ત્યારે સૌરાષ્ટ્રમાં ખાદ્યતેલનું મોટું મથક મનાતા રાજકોટવાસીઓ પીએમ મોદીની આ અપીલ વિશે શું માને છે, જાણીએ આ વીડિયોમાં.