ઇંગ્લૅન્ડમાં નદીઓ સુકાઈ જતાં દુષ્કાળ, જુઓ આ તસવીરો

ગરમ, શુષ્ક હવામાનને કારણે ઇંગ્લૅન્ડના પાણી પુરવઠા પર અસર દેખાઈ રહી છે તેથી અડધાથી વધુ ઇંગ્લૅન્ડમાં દુષ્કાળ જાહેર કરવામાં આવ્યો છે.

આમ 2022, 2025 અને હવે 2026 એમ છેલ્લાં પાંચ વર્ષમાં ઇંગ્લૅન્ડમાં ત્રણ દુષ્કાળ પડ્યા છે.

ઇંગ્લૅન્ડ ભરમાંથી મળતી તસવીરોમાં દુકાળની પરિસ્થિતિનાં કેટલાંક દૃશ્યો સામે આવ્યાં છે, જેમાં નદીઓ સુકાઈ રહી છે, સુકાઈ ગયેલા પાર્ક(બગીચા) છે, હવે આ સુકાઈ ગયેલાં મેદાનો પર લોકો રમી રહ્યા છે.

દુષ્કાળની કોઈ એક વ્યાખ્યા નથી, પરંતુ તે સામાન્ય રીતે લાંબા સમય સુધી અસામાન્ય રીતે શુષ્ક હવામાનના સમયગાળાનો ઉલ્લેખ કરે છે જેની લોકો પર, પ્રકૃતિ અને પર્યાવરણ પર અસર પડી શકે છે.

અહીં વરસાદના અભાવે નદીઓનું જળસ્તર ઘટ્યું છે, જેમાં બકનેલ સ્થિત રેડલેક (ઉપર) નદીનો સમાવેશ થાય છે, જ્યાં એક કિનારો સંપૂર્ણપણે સુકાઈ ગયું હતું.

અઠવાડિયા સુધી વરસાદ ન પડવાને કારણે હેયરફોર્ડમાં (નીચે) વાય નદીમાં પણ દુષ્કાળ જોવા મળી રહ્યો છે.

દેશના કેટલાક વિસ્તારોમાં તો આ વર્ષની ચોથી લૂ ચાલી રહી છે.

લંડનના ગ્રીનવિચ પાર્ક, બ્લૅકહીથ, પ્રિમરોઝ હિલ, હૅકની માર્શેસ, પેકહામ કૉમન અને લેટન ફ્લૅટ્સ સહિત સુંદર સ્થળો અને ઉદ્યાનો પીળાં અને સૂકાઈ ગયાં છે.

દુષ્કાળ પડવો એક કુદરતી ઘટના છે, પરંતુ વૈજ્ઞાનિકો કહે છે કે આબોહવા પરિવર્તન દુષ્કાળનાં જોખમો વધારી રહ્યાં છે, ઉનાળાના ઊંચા તાપમાનને કારણે જમીન વધુ ઝડપથી સુકાઈ રહી છે.

આનાથી વધુ ગંભીર અને લાંબા સમય સુધી ચાલતા દુષ્કાળ પડી શકે છે.

અહીં ભૂરા પડી ગયેલાં પાંદડાંનું દૃશ્ય હવે સામાન્ય બની ગયું છે.

પૂર્વ લંડનમાં હૉલોપૉન્ડનું કદ ઘટતું જોવા મળ્યું.

અને વોલ્ડિંગહેમ ગોલ્ફ ક્લબના ગોલ્ફના ખેલાડીઓને લાગ્યું કે તેમનું લીલાછમ મેદાન હવે તેટલું લીલુંછમ રહ્યું નથી.

તેવી જ રીતે, બર્કશાયરના બ્રે ગામમાં મેઇડનહેડ અને બ્રે ક્લબ અને બોયન હિલ વચ્ચેની લોકો લીલુંછમ મેદાન ગાયબ થઈ રહ્યું છે ત્યાં ક્રિકેટ રમી રહ્યા હતા.

વોલ્થમસ્ટો વેટલૅન્ડ્સ સહિત જળાશયોના આકાર પણ સંકોચાઈ ગયા છે.

અને પીક ડિસ્ટ્રિક્ટમાં અપર ડેરવેન્ટ વેલીમાં હોઉડેન જળાશયના કિનારાઓ પરથી પાણી ઘટી રહ્યું છે.

બીબીસી માટે કલેક્ટિવ ન્યૂઝરૂમનું પ્રકાશન