Ubutegetsi bwa Col Gaddafi mu mafoto

Yatangajwe 20 Ukw'icumi 2011

Abategetsi b'inzibacyuho muri Libya batangaje ko Col Muammar Gaddafi wahoze ayobora Libya yaguye mu mirwano mu mujyi wa Sirte.

Col Muammar Gaddafi — Insiguro y'isanamu, Muammar Gaddafi mu kwezi kwa 9 muri 1969 nyuma y'ibyumweru bike ahiritse ingoma y'umwami Idris. Yari afite gusa imyaka 27 igihe yatangiraga kuyobora Libya.

Col Muammar Gaddafi — Insiguro y'isanamu, Col Gaddafi akiri muto yakundaga cyane politiki yo gukunda igihugu y'abakuru b'ibihugu by'abarabu nka Perezida Gamal Abdel Nasser wa Misiri. Iyo politiki yayivanze na socialisme n'idini ya Islamu hanyuma muri 1975 asohora amatwara ye ya politiki mu gitabo yise icyatsi kibisi (Green book).

Col Muammar Gaddafi — Insiguro y'isanamu, Muri 1971, Col Gaddaf, Perezida wa Misiri Anwar Sadat na Perezida wa Syria Hafez Assad bashyizeho ishyirahamwe ry'ibihugu by'abarabu ariko ntihagira icyo rigeraho.

Col Muammar Gaddafi — Insiguro y'isanamu, Akigera ku butegetsi, hari ababonaga Col Gaddafi nka Che Guevara wo muri Afurika.

Col Muammar Gaddafi — Insiguro y'isanamu, Mu myaka ya za 80, Col Gaddafi yemereye imitwe yitwaje intwaro yo muri Afurika y'uburengerazuba kwitoreza mu gihugu cye kandi anashyigikira indi mitwe irimo Irish Republican Army na Palestine Liberation Organisation.

Col Muammar Gaddafi — Insiguro y'isanamu, Col Gaddafi yari afitanye umubano mwiza n'uwahoze ari Perezida wa Misiri, Hosni Mubarak. Bivugwa ko atishimiye ko Hosni Mubarak avanwa ku butegetsi n'imyigaragambyo.

Col Muammar Gaddafi — Insiguro y'isanamu, Col Gaddafi yaje kugirwa igicibwa n'amahanga kubera gukorana n'imitwe y'intagondwa n'ihanurwa ry'indege ya Pan Am i Lockerbie muri Ecosse. Ariko umubano n'amahanga waje kuba mwiza mu myaka 10 ishize nyuma yaho Libya yemeye uruhare rwayo mu ihanurwa ry'iyo ndege kandi yemerera amahanga kugenzura gahunda yayo y'intwaro.

Col Muammar Gaddafi — Insiguro y'isanamu, Kuva yongera kwemerwa n'amahanga, Col Gaddafi yabashije gusohoka hanze y'igihugu cye mu myaka ishize. Aho yajyaga yasabaga ko ihema rye rihashingwa kugira ngo abashe kwakira abashyitsi akurikije umuco wo mu gihugu cye.

Col Muammar Gaddafi — Insiguro y'isanamu, Col Gaddafi yakundaga kusura igihugu cy'Ubutaliyani. Aha arikumwe na ministri w'intebe w'ubutaliyani Silvio Berlusconi.

Col Muammar Gaddafi — Insiguro y'isanamu, Mu ntangiriro z'uyu mwaka igihe abamwigometseho barimo kwisuganya, Col Gaddafi yabwiye abamushyigikiye mu murwa mukuru Tripoli ko "urugamba rugiye kuba rurerure"

Col Muammar Gaddafi — Insiguro y'isanamu, Mu gihe ingabo zimurwanya zarushijeho gukaza umurego kandi n'ibitero by'indege by'ingabo za OTAN bikarushaho kwiyongera, Col Gaddafi ntiyakomeje kwiyerekana cyane kuri TV.

Col Muammar Gaddafi — Insiguro y'isanamu, Ingabo z'akanama k'igihugu k'inzibacyuho zaje gufata umurwa mukuru Tripoli mu kwezi kwa 8 ariko Col Gaddafi ntizashobora kumuta muri yombi.