Diwedd Gweriniaeth WeimarEffeithiau propaganda

• Cwlt y Führer. Câi Hitler ei bortreadu bob amser fel iachawdwr yr Almaen – y dyn a fyddai’n achub y wlad rhag crafangau’r dirwasgiad.
• Volksgemeinschaft (cymuned y bobl). Dyma’r syniad y byddai’r Natsïaid yn creu un gymuned Almaenig a fyddai’n golygu bod crefydd neu ddosbarth cymdeithasol yn llai perthnasol i bobl.
• Gwneud yr Iddewon (ac eraill) yn fwch dihangol am drafferthion yr Almaen. Câi Iddewon eu portreadu’n aml ym mhropaganda'r Natsïaid fel bodau is-ddynol, neu fel bygythiad i burdeb hiliol a dyfodol economaidd y wlad.

Yn ystod y cyfnod, roedd Hitler yn cael ei ystyried fel areithiwr gwych a chanddo bŵer anhygoel i ddwyn perswâd ar bobl. Roedd ymgyrch propaganda Goebbels yn effeithiol iawn a daeth â chefnogaeth enfawr i’r Natsïaid trwy dargedu grwpiau penodol â gwahanol sloganau a pholisïau er mwyn ennill eu cefnogaeth.

Cyflwynid propaganda mewn nifer o ffyrdd – papurau newydd, posteri, radio a ffilmiau newyddion yn y sinemâu. Roedd y negeseuon yn syml, ac yn cyd-fynd gyda safbwyntiau'r cyhoedd ar y pryd.