Cisteachan-laighe, soirbheachas ann an spòrs agus sgoilearachasan ùr SMO

Ruith an lùth-chleasaiche Albannach Josh Kerr mìle as an uair as fheàrr a-riamh air an deireadh sheachdain. Bha e air an dùbhlan seo a chur mu choinneamh fhèin agus cha robh e airson 's gun cuireadh dad bacadh air. An e daoine cruaidh, gun tròcair le fòcas orra fhèin a bhios soirbheachail ann an spòrs? Tha Emma a' cluinntinn bho dhithis a tha a' sàs ann an spòrs.

Tha Sabhal Mòr Ostaig a' comharrachadh còig bliadhna fichead de threànadh anns na meadhanan Gàidhlig le bhith a' foillseachadh dà sgoilearachas luach dà mhìle not gu leth an urra. Tha Eàirdsidh MacIlleathain na leas-stiùiriche foghlaim sa cholaisd, agus tha e còmhla ri Emma, an cois dithis oileanach a chaidh tron chùrsa roimhe.

Agus gach seachdain tha an t-àrc-eòlaiche Moira Piazzoli a' toirt sùil air diofar lorgan àrc-eòlais far nach deach freagairtean fhaighinn chun an seo: an-diugh cisteachan-laighe Suidhe Artair.