Dyn 22 oed wedi marw mewn gwrthdrawiad yn y gorllewin
Bu farw'r dyn wedi gwrthdrawiad ar yr A4075 rhwng Yerbeston a Phont Canaston
- Cyhoeddwyd
Mae dyn 22 oed wedi marw yn dilyn gwrthdrawiad rhwng beic modur a char yn Sir Benfro.
Bu farw'r gyrrwr beic modur Yamaha gwyn wedi gwrthdrawiad gyda char Kia Sorento gwyn ar yr A4075 rhwng Yerbeston a Phont Canaston tua 18:20 ddydd Mercher.
Dywedodd Heddlu Dyfed-Powys bod y dyn wedi marw ar ôl cael ei gludo i'r ysbyty.
Cafodd dynes 22 oed, a oedd ar gefn y beic modur, ei chludo i'r ysbyty hefyd.
Ni wnaeth gyrrwr y Kia Sorento, dyn 60 oed, ddioddef unrhyw anafiadau.
Mae'r llu yn apelio ar dystion neu unrhyw un a oedd yn gyrru ar y ffordd tuag amser y gwrthdrawiad i gysylltu â nhw.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
